Солтүстік Қазақстан облысы бойынша Мемлекеттік кірістер департаментінде салық төлеушілер және сыртқы экономикалық қызметтің қатысушыларымен 8-9 сәуірде семинар өткізілді.
01.01.2015ж. бастап қосылған құн салығына қатысты салық заңнамасында болған өзгерістермен семинар қатысушылары таныстырылды.
Сондай-ақ салық төлеушілердің назарына Кедендік одақ кеден шекарасы арқылы ауыстыруға жататын болжамды, тауарлар туралы алдын-ала ақпаратты ұсыну бойынша талаптар, «Кедендік тазалау және тауарларды шығару» мемлекеттік қызмет тәртібі ұсынылған. Қатысушылар семинар соңында, мүлікті заңдастыру туралы ақпаратпен таныстырылды.
Талқыланған тақырыптар бойынша берілген сұрақтарға, жан-жақты жауаптар алынды. Өткізілген семинарды қорытындылай келе, департамент қызметкерлері белсенді қатысқандары үшін семинарға қатысушыларға алғыс айтты.