Құрметті салық төлеушілер
ҚР ҚМ Мемлекеттік кірістер комитеті 2022 жылғы 30 сәуір мен 2022 жылғы 31 желтоқсан аралығында электрондық шот-фактуралардың ақпарттық жүйесі негізінде әлеуметтік маңызы бар азық-түлік тауарларын (және тас көмірді) қадағалау бойынша пилоттық жоба іске қосылғанын хабарлайды.
Барлық әлеуметтік маңызы бар азық-түлік тауарларын өткізушілерге:
- электрондық шот-фактуралардың ақпараттық жүйесі esf.gov.kz порталында тіркелу;
- электрондық шот-фактуралардың ақпараттық жүйесінде электрондық шот-фактураларды esf.gov.kz порталында немесе тауарларды өткізу кезінде (жеке тұлғаларға бөлшек саудада өткізуді қоспағанда) ЭШФ АЖ мобильдік қосымшасында жазып беру;
- ақшалай есеп айырысуды жүзеге асыру кезінде, оның ішінде жеке тұлғаларға бөлшек саудада өткізу кезінде бақылау-касса машинасының чегін ұсыну қажет.
Әлеуметтік маңызы бар азық-түлік тауарларына мыналар жатады:
- ақ қант– құмшекер
- бірінші сортты бидай ұны
- бірінші сортты ұннан жасалған бидай наны (пішінді)
- рожки (өлшеніп салынатын)
- қарақұмық жармасы (дән, өлшеніп салынатын)
- тазартылған күріш (домалақ дәнді, өлшеніп салынатын)
- картоп
- сәбіз
- басты пияз
- ақ қауданды қырыққабат
- күнбағыс майы
- тауық еті (сан сүйек және іргелес жұмсақ еті бар сан жілігі)
- сиыр еті (сүйекті жауырын-төс бөлігі)
- майлылығы 2,5% жұмсақ қаптамадағы сүт
- майлылығы 2,5% жұмсақ қаптамадағы айран
- сары май (тұздалмаған, майлылығы 72,5 %-дан кем емес, толтырғыштар мен өсімдік майлары жоқ)
- тауық жұмыртқасы (I санатты)
- ас тұзы
- сүзбе: майлылығы 5 – 9 %
Қазақстан Республикасының «Әкімшілік құқық бұзушылық туралы» кодексінде (ӘҚБтК-нің 280-1, 284-баптары) салық төлеушінің ЭШФ төлемегені үшін 40 АЕК-ке (122 520 теңге) дейін, мерзімін бұза отырып ЭШФ жазып бергені үшін 20 АЕК-ке (61 260 теңге) дейін және бақылау – касса машинасының чегін бермегені үшін шағын кәспкерлік субъектілері үшін 30 АЕК-ке (91 890 теңге) дейін жауапкершілік көзделген.