270.00н. мүлік кірістері туралы декларацияда келесі мәліметтер көрсетіледі:

             1) жеке тұлғаның дербес салық салуға жататын табыстары, оның ішінде:

       - мүліктік табыс, Қазақстан Республикасынан тыс жерлердегі көздерден алынатын табыс, үй қызметкерінің табысы, жеке қосалқы шаруашылықтан алынатын табыс, мүлікті жалға беруден түсетін табыс, талап ету құқығын басқаға беруден түсетін табыс.

2) жеке практикамен айналысатын адамның табыстары;

 3) Қазақстан Республикасынан тыс жерлердегі мүлік;

4) есепті күнтізбелік жыл ішінде мүлікті сатып алу және иеліктен шығару. (Бұл бөлімді "Сыбайлас жемқорлыққа қарсы іс-қимыл туралы"Қазақстан Республикасының Заңына сәйкес декларация беру бойынша міндеттемесі бар адамдар ғана толтырады.

Қалған тұлғалар есепті күнтізбелік жыл ішінде Қазақстан Республикасынан тыс жерлерде мүлікті сатып алуды және иеліктен шығаруды толтырады.

5) есепті салық кезеңінің 31 желтоқсанындағы жағдай бойынша дебиторлық және кредиторлық берешек.

6) бақыланатын шетелдік компанияның қаржылық пайдасы.

 Кірістер мен мүлік туралы декларация орналасқан (тұратын) жері бойынша мемлекеттік кіріс органына есепті салық кезеңінен кейінгі жылдың 15 қыркүйегінен кешіктірілмей табыс етіледі.

Декларацияны ұсыну тәсілдері: "Салық төлеуші кабинеті" мемлекеттік кірістер комитетінің web-порталы (cabinet.salyk.kz) және «eSalyq azamat» мобильді қосымшасы.

Пәтер беру кезіндегі мүліктік табыс

Жеке тұлғаның жеке табыс салығы  салынуға жататын мүліктік табысына жеке тұлғаның меншік құқығын тіркеген күннен бастап бір жылдан аз уақыт ішінде меншік құқығындағы тұрғын үйлерді, оның ішінде Қазақстан Республикасының аумағында орналасқан тұрғын үйлерді сату кезінде құн өсімінен түсетін табыс жатады.

Сыйға тарту шарты бойынша мүлік өтеусіз берілетіндіктен, мұндай мүлікті сатып алу құны нөлге тең. Мүлікті сатып алу сомасы болмаған кезде (сыйға тартылған жағдайда), өткізілген мүлікке, мүлікті өткізу бағасы (құны) мен бағалау құны арасындағы оң айырма құн өсімінен түсетін табыс болып табылады. Бұл ретте "Азаматтарға арналған үкімет" мемлекеттік корпорациясының сатылған мүлікке меншік құқығы туындаған жылдың 1 қаңтарына мүлік салығын есептеу үшін айқындалған құны бағалау құны болып табылады.

Осылайша, меншік құқығы тіркелген күннен бастап бір жылдан аз уақыт ішінде сыйға тартылған және меншік құқығындағы пәтерді сату кезіндегі құн өсімінен түскен табыс осы пәтерді сату бағасы (құны) мен "Азаматтарға арналған үкімет"мемлекеттік корпорациясының мүлік салығын есептеу үшін айқындалған бағалау құны арасындағы оң айырма болып табылады.

Құн өсімінен түсетін табысқа 10 пайыз ставка бойынша ЖТС салынады.

Сондай-ақ, мүліктік табыс алған жеке тұлғалар 2025 жылдан бастап кірістер мен мүлік туралы декларацияны тапсырады (270.00-нысан).

Кірістер мен мүлік туралы декларация орналасқан (тұратын) жері бойынша мемлекеттік кірістер органына есепті салық кезеңінен кейінгі жылдың 15 қыркүйегінен кешіктірілмей табыс етіледі.