Резидент еместерге пассивті кірістерді (дивидендтер, роялти сыйақылар) төлеу кезінде халықаралық шарттарды қолдану талаптарына   енгізілген өзгерістерге қатысты (ҚР СК 667-бабының 1-тармағы)

Солтүстік Қазақстан облысы бойынша Мемлекеттік кірістер департаменті, 2021 жылғы 1 қаңтардан бастап Қазақстан Республикасында салық базасын бұлыңғырлауға және салық салудан пайданы шығаруға қарсы іс-қимыл мақсатында салық келісімдеріне қатысты шараларды орындау жөніндегі көпжақты конвенция қолданылатынын хабарлайды.

Көпжақты Конвенцияның мақсаты салық төлеуден жалтару немесе жалтару арқылы салық салмауды немесе төмендетілген салық салуды болдырмау болып табылады.

"Салық және бюджетке төленетін басқа да міндетті төлемдер туралы" Қазақстан Республикасы Кодексінің 667-бабына өзгерістер енгізу салық агентінің екіжақты салық келісімдерін қолдануы үшін қосымша шарттардың болуын болжайды (өзгерістер 01.01.2023 ж.бастап күшіне енді).

Сонымен қатар, Салық кодексінің 4-бабының 5-тармағына сәйкес, егер Қазақстан Республикасы ратификациялаған халықаралық шартта Салық кодексіндегі ережелерден өзгеше ережелер белгіленсе, аталған шарттың ережелері қолданылады.

Жоғарыда айтылғандарға байланысты, Салық кодексінің 667-бабына өзгерістер халықаралық шарттардың ережелеріне қатаң сәйкестікте қолданылатын болады.

Халықаралық салық салуды одан әрі жетілдіру жөніндегі жұмыс жалғастырылатын болады.