1.         Қандай құжат және қалай беруге болады?

- Салық төлеуші "Электрондық үкімет" порталы (Egov.kz) арқылы, сондай-ақ "Салық төлеушінің кабинеті" АЖ арқылы (cabinet.salyk.kz) салық есептілігін кері қайтарып алу туралы салықтық өтінішті ұсынады.

- салық есептілігі – осы Кодекстің 208-бабы 2-тармағының талаптарын бұза отырып ұсынылған алып тастау әдісімен салық есептілігін кері қайтарып алған жағдайда.

  Салық есептілігін салық органы көрсетілген салық кезеңі үшін табыс етілген салық есептілігінің барлық қосымша нысандарын ескере отырып, салық есептілігін қабылдау және өңдеу жүйесінен кері қайтарып алуға тиіс.

2.         Кері қайтарып алу әдістері:

     - Қайтарып алынатын салық есептілігі салық есептілігін қабылдау және өңдеу жүйесінің орталық торабынан жойылатын алып тастау әдісімен;

          Алып тастау әдісімен мынадай салық есептілігін кері қайтарып алу жүргізіледі:

      1) салықтық тексеру жүргізу басталғанға дейін қызметін қайта бастау туралы шешім қабылданған жағдайда таратудың салық есептілігі;

       2) осы Кодекстің 208-бабы 2-тармағының және 211-бабы 5-тармағының талаптары бұзыла отырып ұсынылған;

      3) мұндай салық есептілігін табыс ету бойынша міндеттеме болмаған кезде табыс етілген;

       4) ол осы Кодекстің 209-бабының 5-тармағына сәйкес ұсынылмаған болып есептеледі;

      5) камералдық бақылау нәтижелері бойынша салық органы анықтаған бұзушылықтарды жою туралы хабарламалар бойынша салық есептілігін қоспағанда, талап қою мерзімі өткеннен кейін табыс етілген салық есептілігі.

       Салық есептілігін салық төлеушінің (салық агентінің) дербес шоттарында жою әдісімен кері қайтарып алу кезінде тіркеу есебінің орны бойынша салық органы кері қайтарып алынатын салық есептілігі бойынша салықтардың, бюджетке төленетін төлемдердің, әлеуметтік төлемдердің есептелген (азайтылған) сомаларына түзетпе жасауды жүзеге асырады.

      - Бұрын табыс етілген салық есептілігіне салық төлеуші мәлімдеген өзгерістер немесе толықтырулар енгізілетін өзгеріс әдісімен жүзеге асырылады.

            Өзгерту әдісімен мынадай салық есептілігін кері қайтарып алу жүргізіледі:

      1) валюта коды көрсетілмеген немесе дұрыс көрсетілмеген;

      2) жер қойнауын пайдалануға арналған келісімшарттың нөмірі және (немесе) күні көрсетілмеген немесе дұрыс көрсетілмеген;

      3) президенттік мәртебесі көрсетілмеген немесе дұрыс көрсетілмеген;

      4) салық органының коды дұрыс көрсетілмеген;

      5) салық кезеңі дұрыс көрсетілмеген;

      6) салық есептілігінің түрі дұрыс көрсетілмеген;

      7) салықтық тексеру жүргізілгеннен немесе камералдық бақылау аяқталғаннан кейін қызметті қайта бастау туралы шешім қабылданған жағдайда таратудың салық есептілігі табыс етіледі.

      Салық есептілігін өзгерту әдісімен кері қайтарып алу кезінде салық төлеушінің (салық агентінің) дербес шоттарында тіркеу есебінің орны бойынша салық органы кері қайтарып алынатын салық есептілігінде көрсетілген сомаларға түзетпе жасауды жүзеге асырады, кейіннен мәлімделген өзгерістерді және (немесе) толықтыруларды ескере отырып, салық есептілігі бойынша деректерді дербес шотта көрсетеді.

3.         Табыс етілген салық есептілігін кері қайтарып алуға жол берілмейді:

      1) тексеру жүргізуге арналған нұсқамада көрсетілген салықтар мен бюджетке төленетін төлемдердің түрлері және әлеуметтік төлемдер бойынша кешенді және тақырыптық тексерулер жүргізу кезеңінде-тексерілетін салық кезеңінде;

      2) шағым берудің қалпына келтірілген мерзімін ескере отырып, тексеру нәтижелері туралы хабарламаға шағым беру және оны қарау мерзімі кезеңінде – шағым жасалатын салық кезеңінде жүзеге асырылады;

       3) камералдық бақылау нәтижелері бойынша салық органы анықтаған бұзушылықтарды жою туралы хабарламалар бойынша жүргізіледі.

4.         Кері қайтарып алу туралы мәліметтер салық есептілігі салықтық өтініш негізінде кері қайтарып алынған жағдайда, осындай өтінішті алған күннен бастап бір жұмыс күні ішінде уәкілетті органның интернет-ресурсында жарияланады.

5.         Осы бап Осы Кодекстің 458-бабында көзделген жағдайларға қолданылмайды.